(resensie CD-presentatie)

Diggelfjoer: Fonkelnij!

Sneintemiddei 14 maart, de cd-presintaasje fan Diggelfjoer.

It smûke teehûs yn de Teatertún fan Riis soarge foar de waarmte en de gemoedlike sfear.

‘Fonkelnij’, de titel fan de nije plaat, stie as in hûs mei de begeliedingsband de ‘Fûnken’. De lieten op de cd binne skreaun en arranzjearre troch Domien de Winter en Douwe van der Werff. De middei begûn mei in ynstrumintaal stik foar it waarm wurden, dêr’t de musikaliteit fan beide mannen goed te hearren wie.

‘Jûn gean wy te rocken’ wie ien fan de hichtepunten fan ‘e middei; in hearlike rocker mei in pakkende tekst. De folgjende lieten kamen goed ta harren rjocht troch de moaie teksten, de sang, en it bytiden ferassende musikale arranzjemint.

De ‘See-earn’ wie in wierdich ein fan de presintaasje; it heldere gitaarspul en de seelûden galmden fuort yn de goed fulde romte fan it houten teehûs.

Nei ôfrin koene de fuotten noch eefkes fan de flier op de musyk fan de Geartsje-de-Boer-band en sa kaam der in ein oan dizze gesellige middei/jûn.